بوبكر أنشاد _ boubaker anchad

بوبكر أنشاد، نقدم لكم واحدة من روائعه الشعرية عن العشق.

 

بسم الله أک إعدل ربي أ الزناد إيوبورينو "

 أسرون أوتخ ليشارت ݣر ميدن أياد خ ليخ "

العقل إينو أسكاتخ ليشارت أريتبانت "

اوريحتاج أوليلي تيضاف أورݣيس إدعى يان "

اور إحتاجا يان أوكان إفولكين لحزومات "

أوريحتاجا يان إلان العقل أديدس أحلخ "

باب نالصواب دلاداب أتيزين ربي إيݣليين "

أوريحتاجا مداس إمالن الصواب أخد نكرن "

أكولشي أرينزا خالسوق أ العقل بلا كي "

العقل أيمنعان إخاك إدروس أور المال "

إما المال إلا سورطال إخياد إعدم يان "

إخيعدم يان أورايتاسي الهم إتݣاليت "

إناختيد اوكان تغيت إݣن سموس دمراو "

أكولشي خالدونيت أوسين إضبيبن الدوا نون "

أتايري دالمحبة دالموت أوريلي الدوا نونت "

أياتبير لي فانسموموي رارد كيين العقلينو تلا ليخرت زايدات أر دار ربي ؛

غين كا أخنرا أݣيس نودو لحقوق أرد أوفون ؛

إما إنيد الدونيت تكابرت فلي زݣيسنت أوراخ تنغيت أولا تحيتانخ مقارد أوال ؛

أوراد سول نتافا خيمي نون ما ديدك نشرك ؛

إوا ليخ تكابرت ألله أفلان أدج أوال ؛

اور نزضار أنازوم أوال نك غيكاد يازوم أوفݣان أيور نرمضان أيوا مادي تنييت ؛

أدج المحبة أتيلي دوجميل نݣراتنخ ؛

أك إهدو ربي ݣ أعلاخير نݣراتنخ أور رضيخ أدانخ إسفلد أونواش نبضا ديدك إفرح ؛

كيي تݣنت أوكان أوينو إݣزاك إضس نون ؛

إيني ݣنخ نكي ياويكيد يان الملك أر دارنخ العقل إينو تيويت أوريي تفلت أبلا الروح ؛

العقل إينو زود أغانيم إنݣبال دالريح أرت إتاوي واضو سيݣنوان ياضود سكال ؛

إسنݣي أومطا نو العيون إحيو لاشجارات إقورن إسمغيكنت أتوݣا فيسلي لي إيبالان ؛

أوضنخ يات تسانو تجدر زون ݣيس إزري السيف إيݣان وين الغزاوات تنريت أ المحبت أطان ؛

مايݣان أطان إتبين إخسان إمدو اللون إݣ تيفرزيزين إتاسا إݣت إوول دوحبيب إخاك أورينا ريخك أولا نبراك ؛

دوحبيب إخاك أوريني ريخك أولا نبراك