تيمديازين:
كالعادة نحاول تدوين الأبيات الشعرية الأمازيغية التي نحصل عليها
للحفاظ على هذا الموروث الثقافي ..
***********
يان واوال نصاحت أوريݣي الكدوب
الطبلا طرسيت هان إغلى واتيݣ نم
إغيكم أودلال أركا سرم إتلعاب
ولايني رارد العاقل سفليد
أيهايا وايهايانم أطوموبيل
إزريكنت العقل أوراركنت إتمنيد
ناناخ الشيفور إسغا تين لجديد
*********
ربي لي إخلقن الدونيتاد إبضاض ݣيس مدن
إلا` مايݣا دوفوناس كرا فيزري شينت
إلا` مايݣا دوغردا كرا فيزري أكرنت
إلا` مايݣا دويدي نتان أركا توغن
إلا` مايݣا ديزنكاض فولكينين زينتن
إلا` مايݣا دلباز أريستارا غوافيتن
*********
أكن حورموخ أسيدي كشمخاك الحوروم
إݣوت العدونو غيد أيخ أوريسلا يان
جوع إغلي دلبرج إسكر تيماتارين
إشا واكال أمود نش تيلي قامانين
أضن لحشوم سديدنت كولو تمغارين
ونادكا تلمݣارت إنا تاغي يات
*********
ونان توفيت إيݣاور أر إخمش أكال
أتيسانت إزد أݣنس أساتنت إزاض
لهم أورݣين أزرݣ أيس إسلا كيوان
إميك سيميك أسيزاض تاسا نيان أحلن
تاسا نبولهموم أورا تيلي اللون
**********
بناقص نالدونيت إخݣيس إزري يان
إنيخ كولو عيش إكرا ييضورن
أس نا إتما لاجال إخنݣز أكال
مكنا إرا ربي غاصان إݣت لحال
**********
أيسلك يان إزري الساعت مكنا ݣانت
لاصوام نسعتاد لغلا إلا ݣيسن
أيقنعا يان أوردار لفلوس نلوزاعت
توتلا تمنعا إوانا اوىاسنت إدركن
إسغيت أزاليم سيميك ناينا دارس
*********
إرسال تعليق
أترك لنا رأيك في التعليقات